Me buxhetin e vitit 2026, Ministri i Financave, Petrit Malaj, premton se paga minimale do të rritet në 500 euro, duke shpëtuar qindra mijë punonjës nga “tmerri i mëngjesit pa kafe dhe biskota të mjaftueshme”. Rreth 308 mijë të punësuar në sektorin publik dhe privat do të gëzojnë këtë lajm… ose të paktën derisa të kontrollojnë llogaritë bankare.

Po ashtu, rreth 144 mijë punonjës të administratës publike do të shohin një “boost” në portofol”, duke përfshirë mësues, infermierë, policë dhe të tjerë që deri tani kishin mësuar të mbijetojnë me kreativitetin e xhepit.

Ministri e sheh këtë si një rritje të fuqisë blerëse dhe motivim për punonjësit, ndërsa qytetarët e thjeshtë mund të mendojnë: “Mirë, 500 euro, por sa do të ngrihen çmimet e bukës dhe naftës?”

Në praktikë, kjo rritje duket më shumë si premtim festiv, që do të shërbejë si selfie politike për ministrin dhe si diskutim i gjatë në kafene për qytetarët që e kuptojnë se fuqia blerëse mund të rritet… por jo aq sa të harrosh faturat e rritura.