Fletore serioze që s'merret me pollatika se ka frikë
Kontrasti u bë vetë mesazhi politik i ditës. Opozita ndriçon qiellin për të treguar qetësi; pushteti mjegullon hapësirën për të ruajtur kontrollin. Njëra palë prodhon imazh, tjetra prodhon tym—madje me afat të kaluar. Dhe qytetarët, si gjithmonë, mbeten mes dritës që verbërson dhe tymit që pengon shikimin.
Shqipëria po pasuron ofertën e saj turistike me ritme që as broshurat zyrtare nuk i parashikuan. Pas Kasmilit, i njohur ndërkombëtarisht si “Maldivet e Europës”, vendi ynë prezanton me krenari atraksionin më të ri: Durrësin e përmbytur, tashmë i cilësuar si “Venecia e Afrikës”.
Për banorët, kjo është hera e rradhës që zona e ndërtuar “atëherë kur nuk duhej” po kthehet në një mini-Venezia shqiptare, me dallim se gondolat janë zëvendësuar nga llafet e fqinjëve dhe efektivet që nxjerrin ujin me pompa.
Ndërkohë, qytetarëve u kërkohet të tregojnë kujdes dhe të informohen vetëm nga burime zyrtare, pasi Lana mund të rritet, por paniku jo.